General‎ > ‎

Wasiyat Nama Hazrat Bibi Sakina (S.a)

Lyrics Of Wasiyat Nama hazrat Bibi Sakina (S.a)

See Video Below And Scroll Down For Lyrics

YouTube Video





Lyrics

So Jaate The Sukoon Se Bistar Pe Ahle Shaam,
Ek Bacchi Roti Rehti Thi Zinda Ki Khaak Par,
Baba Bulane Aa Gai Ek Shab Jo Khwab Me,
Are Kehne Lagi Woh Kaid Me Aabid (as) Se Chauk Kar,
Is Zindan Me Banana Meri Turbat Bhaiya,
Ki Sakina (sa) Ne Yeh Aabid (as) Se Wasiyat Bhaiya,

Ki Sakina (sa) Ne Yeh Aabid (as) Se Wasiyat Bhaiya.....2

Chahti Hun Main Jahan Soou Woh Mitti Nam Ho,
Tashnagi Ki Jo Aziyat Hai Zara Si Kam Ho,
Haddiyon Tak Me Hai Woh Pyas Ki Shiddat Bhaiya,
Ki Sakina (sa) Ne Yeh Aabid (as) Se Wasiyat Bhaiya.....2

Qaid Me Baba Ka Saar Aaya Magar Lash Nahi,
Lash Par Ban Me Mai Pohuchi To Tha Sar Aur Kahin,
Na Hui Puri Mulakat Ki Chahat Bhaiya,
Ki Sakina (sa) Ne Yeh Aabid (as) Se Wasiyat Bhaiya.....2

Tum Ko Maloom Hai Woh Darad Ki Shiddat Meri,
Dar E Zindan Pa Parindo Ko Mai Jab Dekh Ti Hi,
Aur Badh Jaati Thi Ghar Jaane Ki Hasrat Bhaiya,
Ki Sakina (sa) Ne Yeh Aabid (as) Se Wasiyat Bhaiya.....2

Tum Agar Pana Meri Baliyan Meri Chadar,
Meri Sugra (sa) Ko Wo De Dena Medine Jaa Kar,
Bhool Paengi Na Woh Meri Mohabbat Bhaiya,
Ki Sakina (sa) Ne Yeh Aabid (as) Se Wasiyat Bhaiya.....2

Jaake Batlana Mere Fazal Se Rudad Meri,
Choti Dadi Se Bhi Kehdena Yeh Rudad Meri,
Kistarha Tune Uthaie Meri Maiyat Bhaiya,
Ki Sakina (sa) Ne Yeh Aabid (as) Se Wasiyat Bhaiya.....2

Tum Se Poochen Meri Humjoliyan Jub Haal Mera,
Unse Batlana Ke Rassi Me Tha Jub Mera Gala,
Kis Tarha Jhel Rahi Thi Mai Aziyat Bhaiya,
Ki Sakina (sa) Ne Yeh Aabid (as) Se Wasiyat Bhaiya.....2

Jaake Tum Ahle Watan Se Mera Kehdena Salam,
Phir Bayan Karna Jo Toote Hai Sitam Mujh Pe Tamam,
Mera Gam Merei Asiri Meri Gurbat Bhaiya,
Ki Sakina (sa) Ne Yeh Aabid (as) Se Wasiyat Bhaiya.....2

Kehna Yeh Meri Phupi Se Ke Who Jaldi Aaie,
Aama Fizza Ko Bhi Wo Sath Me Apne Laaie,
Karbala Jaisi Hi Ho Shaam Ki Suraat Bhaiya,
Ki Sakina (sa) Ne Yeh Aabid (as) Se Wasiyat Bhaiya.....2

Khun Bhare Kurte Me Tum Dafn Mujhe Kardena,
Haan Magar Shaam Ke Hakim Se Kafan Mat Lena,
Mai Bhi Kutch Kam To Nahi Sahibe Gairat Bhaiya,
Ki Sakina (sa) Ne Yeh Aabid (as) Se Wasiyat Bhaiya.....2

Kaise Kholonge Bandhe Hathon Se Gardan Ki Rasan
Hai Kis Tarha Se Tum Donge Mujhe Gusl O Kafan
Mai Bhi Zakhmi Hun Tumhe Bhi Hai Nakhat Bhaiya.
Ki Sakina (sa) Ne Yeh Aabid (as) Se Wasiyat Bhaiya.....2

Tum Dua Karna Yehi Aamir O Naayar Ke Liye
Inko Allah (swt) Har Ek Ranj Se Mehfooz Rakhe
Shaam Tak Aate Hai Jo Behre Ziyarat Bhaiya.
Ki Sakina (sa) Ne Yeh Aabid (as) Se Wasiyat Bhaiya.....2

Comments