Sitamgar Ne SAKINA (SA) Ko

Lyrics Of Bibi SAKINA (SA)

See Video Below And Scroll Down For Lyrics

YouTube Video


Click Here To Download MP3


Lyrics

Kaha ZAINAB (SA) Ne Ro Rokar Sitamgar Ne SAKINA (SA) Ko 
Kabi Jab Roei Tab Maara Kabhi Jab Soei Tab Maara
Ba Alfaaz E Digar Ek Chaar Saala Gham Raseeda Ko
Kabhi Jab Roei Tab Maara  Kabhi Jab Soei Tab Maara 
Kaha ZAINAB (SA) Ne Ro Rokar.....

Lagi Jab Aag Khemo Me; Jala Kurte Ka Jab Daman 
Baya’n Mumkin Nahi Kaise; Tadapkar Roya Hai Bachpan
Musalsal Di Azeeyat Bani E Shar Ne; Yateema Ko ………Kabhi Jab
Kaha ZAINAB (SA) Ne Ro Rokar.....
 
Hamesha Al Madad Ya HAIDER E QARRAR (AS) Kehti Thi
Har Ek Ko Dekhti Rehti Thi Aur; Khamosh Rehti Thi
Dikhana Chahti Thi Neel Kodo’n Ke; Ruqayya Ko….......Kabhi Jab 
Kaha ZAINAB (SA) Ne Ro Rokar.....

Ridayaye’n Chheenne; Walo’n Ne Gohar Tak Nahi Chhode
Kabhi Rukh Par Tamache / Pusht Par; Maare Kabhi Kode 
Sataya Zalimo Ne Sham Tak Lachhar; Dukhiya Ko…...…Kabhi Jab 
Kaha ZAINAB (SA) Ne Ro Rokar.....

Qayamat Aa Gaei Jisdam; Bithaya Pusht E Naaqa Par 
Tadapkar Der Tak Roya/ HUSAIN IBNE ALI (AS) Ka Sar 
Sitam Ye Bhi Hua Rassi Se Phir Baandha; Hazeena Ko.….Kabhi Jab 
Kaha ZAINAB (SA) Ne Ro Rokar.....

Aseero’n Ka Ye Jisdam Kafela; Baazar Me Pahuncha
Badi Hasrat Se Bachchi Ne/ Sar E; ABBAS (AS)  Ko Dekha
Dua Karti Thi Yarab Maut Aa Jaye; SAKINA (SA) Ko…..Kabhi Jab 
Kaha ZAINAB (SA) Ne Ro Rokar.....

Sada E Al Atash Dil Se; Labo’n Tak Ab Nahi Aati
Na Wo Ab Chahne Wale/ Na Wo; Qasim Ke Baaraati 
Rulati Hai Yateemi Dukhtar E Shah E; Madina Ko............Kabhi Jab.
Kaha ZAINAB (SA) Ne Ro Rokar.....

Liya Zalim Ne Jisdam Imteha’n; Bali SAKINA (SA) Ka 
Chala Beti Ki Janib Uth/ Ke Sar; SHAH E MADINA (AS) Ka 
Hua Mehsoos Seene Se Lagaya Hay; SAKINA (SA) Ko…………Kabhi Jab
Kaha ZAINAB (SA) Ne Ro Rokar.....

Watan Jaane Ki Hasrat Ne Jo Dam; Zindaan Me Toda 
SAKINA Ne Tasawwur Me Bhi Phir; Zinda’n Nahi Chhoda 
Kiya Hy Sham Ke Zindaan Tak Mehdood; Duniya Ko … Kabhi Jab
Kaha ZAINAB (SA) Ne Ro Rokar.....

SAKINA (SA) Ke Masa’ib Me Karoo’n; Kaise Baya’n Asif
Zamee’n Par Gir Na Jaaye/ Sochta Hoo’n; Asmaa’n Asif
Satata Hai Ye Akbar Gham Ke Zalim Nay; SAKINA (SA) Ko............Kabhi Jab
Kaha ZAINAB (SA) Ne Ro Rokar.....
Comments